Sh.a.UK Lezhë shfrytëzon si burime ujore nëntokësore ashtu edhe ato sipërfaqësore. Nëpërmjet këtyre burimeve shoqëria prodhon mesatarisht 3,18 milion m3 ujë në vit nëpërmjet 35 sistemeve me ngritje mekanike dhe 9 sistemeve me rrjedhje të lirë. Volumi i ujit të prodhuar, pjesërisht matet dhe pjesërisht, vlerësohet. Sh.a.UK Lezhë zbaton një program të rregullt pune për dedektimin e humbjeve të ujit si dhe ka një sistem të formalizuar për regjistrimin e ankesave të konsumatorëve.
Shoqëria administron një rrjet ujësjellësi prej 157 km, nga I cili 18 km rrjet kryesor dhe 139 km rrjet shpërndarës. Kjo shoqëri ofron shërbimin e furnizimit me ujë të pijshëm për rreth 60,3 mijë banorë dhe ka të regjistruar 16,358 klientë nga të cilët 13,562 jane të paisur me matës konsumi.
