NJOFTIM PER SHPALLJEN E VENDIT VAKANT ROJE DEPO & MANOVRATOR BUBULLIMË

Në zbatim të Ligjit Nr.9901, dt.14.04.2008,"Për tregtaret dhe shoqëritë tregtare" i ndryshuar, Ligjit me Nr.7961 , dt.12 .07.1995, "Kodi i Punës i Republikës së Shqipërisë, Vendimit Nr.4, dt.30.01.2024 “Për Miratimin e Strukturës organike dhe nivelit të pagave për vitin 2024” të Asamblesë së Përgjithshme”, si dhe Rregullores së Brendshme të shoqërisë, Shoqëria Rajonale Ujësjellës Kanalizime Lushnje Sh.a shpall proçedurën e konkurimit për pozicionin vakant " Roje Depo & Manovrator Bubullimë", në Drejtorinë Teknike.

DETYRAT E ROJES SË DEPOS & MANOVRATORIT BUBULLIMË:

Roje Depo & Manovrator Bubullimë varet nga Menaxheri i Sektorit të Prodhimit të Drejtorisë Teknike të Shoqërisë dhe ka këto detyra kryesore:

Të kontrollojë dhe të raportojë çdo ditë tek Menaxheri i Sektorit të Prodhimit për gjendjen e linjave që ka nën kontroll.
Të evidentojë çdo humbje ose problem në linjën që mbulon ose në aksesorë (saraçineska, ajrues, shkarkues, etj.) dhe ta paraqesë atë me shkrim pranë Menaxherit të Sektorit të Prodhimit.
Për çdo defekt që ndodh merr pjesë në riparimin e tij si dhe mban proçesverbalin përkatës për çdo punim.
Nuk lejon të riparohen defektet jashtë kushteve teknike e të sigurimit teknik. Për çdo punim jashtë kushteve teknike duhet të njoftojë menjëherë Menaxherin e Sektorit të Prodhimit.
Bën evidentimin e lidhjeve dhe ndërhyrjeve të paligjshme që mund të bëhen në këto linja.
Merr pjesë në grupet e punës për ndërprerjen e lidhjeve të paligjshme të bëra në pjesën e linjës që ai mbulon.
Në raste avarie kryen manovrimet e duhura për të bërë punimet e nevojshme.
Përgjigjet për kryerjen e shërbimit të manovrimit sipas grafikut të miratuar.
Mban përgjegjësi për çdo mos zbatim të grafikut ose për ndryshimin e tij pa miratimin e Menaxherit tëi Sektorit të Prodhimit.
Në asnjë rast nuk largohet nga vendi i punës pa u zëvendësuar dhe pa marrë pëlqimin nga Menaxheri i Sektorit të Prodhimit. Për arsye madhore (sëmundje apo arsye të tjera) mund të largohet nga puna me miratim nga Menaxheri i Sektorit të Prodhimit, i cili merr masa për zëvendësimin e tij.
Marrja në dorëzim e turnit bëhet vetëm me proces-verbal të rregullt, ku pasqyrohen këto procese pune:
- Kontrolli i prurjes së ujit
- Gjendja e saraçineskave, etj.

Gjatë marrjes së turnit në dorëzim Manovruesi duhet të njihet me urdhrat e dhënë nga Menaxheri i Sektorit të Prodhimit gjatë periudhës që ai nuk ka qenë në detyre dhe duhet t’i zbatojë ato me korrektësi.
Është i detyruar të paraqitet në vendin e punës 15 minuta përpara marrjes së detyrës nga orari i punës së caktuar nga Shoqëria.
Mban përgjegjësi dhe përgjigjet për pastërtinë e ambienteve të punës dhe për mos plotësimin dhe ruajtjen me seriozitet të librit të shërbimit.
Mban përgjegjësi, sipas shkallës së dëmit dhe rrezikshmërisë, për të gjitha veprimet e kryera në kundërshtim me urdhrat e dhënë nga Menaxheri i Sektorit të Prodhimit, apo për mos realizimin në afat dhe me cilësi të detyrave të ngarkuara.
Bën të gjitha manovrimet e caktuara për punimin normal të linjave.
Bashkëpunon me Sektorin e Mirëmbajtjes & Operimit dhe mbështet grupet e tyre të punës që dërgohen për zgjidhjen e problemeve teknike në linjat e transmetimit.

Kandidatët duhet të plotë kërkesat e posaçme si vijon :

KRITERE TË PËRGJITHSHME :

Të jetë shtetas shqiptar me zotësi të plotë për të vepruar;
Të zotëroj aftësitë e nevojshme profesionale për vendin e punës, për të cilin konkuron;
Të mos jetë i dënuar me vendim të formës së prerë të gjykatës, për kryerje të veprës/ave penale;
Të mos jetë larguar nga puna me masë disiplinore;
Të mos ketë masë disiplinore në fuqi;

KRITERE TË VEÇANTA:

Kualifikimet:

Të ketë përfunduar arsimin e mesëm / profesional;
Të ketë njohuri te mjaftueshme per fuksionimin dhe mirëmbajtjen e ujësjellësit.

Kushtet e punës

Orar jo i rregullt i punës mund të ndodhë për shkak të difekteve në ujesjelles, parregullsive e ngjarjeve të veçanta

Dokumentacioni, mënyra dhe afati i dorëzimit:

Kandidatët duhet të dorëzojnë dokumentat si më poshtë:

Kërkesë për aplikim+CV;
Fotokopje e Kartës së Identitetit / Pasaportës;
Çertifikate familjare;
Çertifikate personale;
Vertetim Banimi;
Raport mjeko-ligjor;
Libreze Shendetesore;
Fotokopje e defteses se shkolles e noterizuar dhe listë notash;
Deshmi penaliteti;
Dy fotografi (2.5 x 3.5 cm);
Çertifikata kualifikimi te ndryshme (ne rast se ka);

Dokumentat duhet të dorëzohen me postë ose individualisht në zyrën e Sekretari-Protokollit, të shoqërisë, sëbashku me kërkesën për aplikim për punësim, brenda dt.24.07.2024.

Mënyra e vlerësimit të kandidatëve:

Kandidatët do të vlerësohen në lidhje me dokumentacionin e dorëzuar dhe kandidatët që kualifikohen për fazën e dytë do të publikohen në faqen zyrtare të internetit https://www.shuk.al/lushnje dhe do të njoftohen për fazën e dytë, atë të intervistimit me gojë;

Kandidatët në intervistën me gojë do të vlerësohen ne lidhje me:

- Njohuritë, aftësitë, kompetencën në lidhje me punën;
- Motivimin, aspiratat dhe pritshmëritë e tyre për karrierën;

Publikimi i rezultateve te konkurimit dhe menyra e komunikimit:

Në perfundim te vleresimit te kandidateve, Sektori i Burimeve Njerezore ne Shoqerine Rajonale Ujesjelles Kanalizime Lushnje sh.a do të shpallë fituesin në faqen e intemetit të Shoqërisë https://www.shuk.al/lushnje dhe në ambientet e shoqërisë.

Kandidatet jo fitues kane te drejte te ankimohen prane Sektorit te Burimeve Njerezore ne Shoqerine Ujesjelles Kanalizime Lushnje sh.a. Afati i ankimimit eshte 2 dite nga data e shpalljes se rezultateve te testimit.

Faleminderit per bashkepunimin !