SHPALLJE TË VENDIT VAKANT NË POZICIONIN IT OPERIMI

Në zbatim të  Ligjit  Nr.9901, dt.14.04.2008,"Për  tregtaret  dhe shoqëritë  tregtare" i ndryshuar,  Ligjit  me Nr.7961 , dt.12.07.1995, "Kodi  i  Punës i  Republikës  së Shqipërisë, Vendimit Nr.04, dt.31.12.2025 per "Miratimin e Organogrames, struktures dhe nivelit te pagave per vitin 2026” të Asamblesë së Përgjithshme”, si dhe Rregullores  së Brendshme të  shoqërisë,  Shoqëria Rajonale Ujësjellës Kanalizime Lushnje Sh.a shpall proçedurën e konkurimit për pozicionin vakant "IT OPERIMI".

DETYRAT E IT OPERIMI:

IT Operimi varet nga Përgjegjësi i Sektorit të Burimeve Njerëzore dhe raporton te ky i fundit. Për çështje teknike me ndikim ndërsektorial, koordinon veprimet me Drejtorin e Shërbimeve Mbështetëse dhe strukturat përkatëse. 

Objekti kryesor i veprimtarisë së IT Operimit është sigurimi i funksionimit të pandërprerë të infrastrukturës dhe shërbimeve IT të Shoqërisë, administrimi i pajisjeve dhe sistemeve, mbështetja teknike për përdoruesit, si dhe garantimi i sigurisë bazë, integritetit dhe disponueshmërisë së të dhënave dhe shërbimeve digjitale që mbështesin veprimtarinë administrative, tregtare dhe teknike. Detyrat dhe përgjegjësitë:

-     Administron dhe monitoron pajisjet dhe infrastrukturën IT (kompjuterë, printera, rrjet, pajisje periferike), duke siguruar funksionimin e tyre të rregullt.

-     Kryen mirëmbajtjen periodike dhe ndërhyrjet korrigjuese për defekte/incidentet teknike, duke minimizuar ndërprerjet e punës.

-     Planifikon dhe zbaton instalime, konfigurime dhe përditësime të sistemeve/pajisjeve IT sipas nevojave të Shoqërisë.

-     Ofron asistencë teknike për përdoruesit (administratë, tregtare, teknike) për pajisje, akses, aplikacione dhe problematika të përditshme.

-     Dokumenton kërkesat dhe ndërhyrjet (regjistër incidentesh), ndjek zgjidhjen dhe informon përdoruesit për statusin dhe masat e marra. 

-     Administron akseset e përdoruesve në pajisje/sisteme dhe zbaton rregullat e autorizimit (krijim/ndryshim/çaktivizim aksesesh), sipas kërkesave zyrtare dhe parimit të nevojës për akses.

-     Mbështet përdorimin dhe funksionimin e sistemeve/aplikacioneve të Shoqërisë (p.sh. për faturim, arkëtime, dokumentacion, komunikim), në bashkëpunim me përdoruesit dhe furnitorët kur është e nevojshme.

-     Administron dhe mirëmban faqen zyrtare të internetit (Web-Page) të Shoqërisë (përditësime bazë të përmbajtjes, strukturës, publikimeve dhe të dhënave të kontaktit), në koordinim me strukturat përgjegjëse për përmbajtjen.

-     Administron dhe monitoron e-mail-in zyrtar të Shoqërisë (krijim/konfigurim llogarish, grupe adresash, akseset, rregullat e përdorimit, arkivimin dhe menaxhimin e kapacitetit), sipas kërkesave zyrtare dhe parimit të sigurisë.

-     Siguron funksionimin e dërgim–marrjes, ruajtjen e konfidencialitetit, dhe zbatimin e masave bazë të sigurisë (p.sh. ndryshime fjalëkalimesh, akses i kontrolluar, anti-spam), duke raportuar incidentet dhe duke ndërmarrë masa korrigjuese.

-     Koordinon me ofruesit e shërbimit (domain/hosting/e-mail service) për problematika teknike, rinovime ose ndërhyrje të nevojshme, duke informuar eprorin direkt për çdo risk apo ndërprerje shërbimi.

-     Kryen/ndjek procedurat e kopjeruajtjes (backup) dhe rikuperimit (restore) kur janë të përcaktuara nga Shoqëria, duke garantuar ruajtjen dhe disponueshmërinë e të dhënave kritike.

-     Mban evidenca për pajisjet IT (inventar: pajisje, përdorues, vendndodhje, status), në bashkëpunim me Njësinë e Menaxhimit të Aseteve/Magazinën Qendrore kur kërkohet.

-     Propozon nevoja për pajisje, licenca dhe shërbime IT, bazuar në gjendjen teknike dhe kërkesat operative të strukturave.

-     Koordinon me furnitorë/shërbime të jashtme IT për ndërhyrje të specializuara, mirëmbajtje, pajisje dhe garanton marrjen e shërbimit sipas kërkesës.

-     Informon eprorin direkt për problematika që kërkojnë prokurim, shërbim të jashtëm ose vendimmarrje organizative.

-     Raporton periodikisht te eprori direkt mbi gjendjen e sistemeve, incidentet, riskun teknik dhe rekomandimet për përmirësim.

-     Respekton dhe zbaton rregullat e brendshme për përdorimin e pajisjeve dhe sistemeve, konfidencialitetin dhe mbrojtjen e të dhënave.

Kandidatët duhet të plotë kërkesat e posaçme si vijon : 

KRITERE  TË PËRGJITHSHME   :

• Të jetë shtetas shqiptar me zotësi të plotë për të vepruar;
• Të zoterojë aftësitë e nevojshme profesionale për vendin e punës, për të cilin konkuron;
• Të mos jetë i dënuar me vendim të formës së prerë të gjykatës, për kryerje të veprës/avepenale;
• Të mos jetë larguar nga puna me masë disiplinore;
• Të mos ketë masë disiplinore në fuqi;

KRITERE TË VEÇANTA:

Kualifikimet:

• Të ketë përfunduar arsimin e lartë në shkencat inxhinierike informatike, elektronikë, telekomunikacion ose ekuivalente.
• Analitik dhe këmbëngulës në kryerjen e detyrave me saktësi;
• Aftësi për të hartuar raporte dhe udhëzime praktike ;
• Në gjendje të punojnë në mënyrë të pavarur, pa mbikëqyrje të drejtpërdrejtë;
• Prioritet të ketë përvojë pune në profesion;
• Të ketë njohuri mbi sistemet kompjuterike dhe mbi instalimin, konfigurimin dhe riparimin e pajisjeve hardware, mbi sistemet e operimit dhe funksionimin e rrjeteve network;
• Të ketë njohuri mbi sistemet operative: Microsoft Windows 7/8/10/ Server 2012-2022;
• Të ketë njohuri mbi menaxhimin e Sistemeve elektronike;

Kushtet e punës

• Punë zyre

Dokumentacioni, mënyra dhe afati i dorëzimit:

Kandidatët duhet të dorëzojnë dokumentat si më poshtë:

1. Kërkesë për aplikim+CV;
2. Fotokopje e Kartës së Identitetit  /  Pasaportës;
3. Çertifikate familjare;
4. Çertifikate personale;
5. Vertetim Banimi;
6. Raport mjeko-ligjor;
7. Libreze Shendetesore;
8. Fotokopje e defteses se shkolles e noterizuar dhe listë notash;
9. Deshmi penaliteti;
10. Dy fotografi (2.5 x 3.5 cm);
11. Çertifikata kualifikimi te ndryshme (ne rast se ka);

Dokumentat duhet të dorëzohen me postë ose individualisht në zyrën e Sekretari-Protokollit, të shoqërisë, sëbashku me kërkesën për aplikim për punësim, brenda dt.03.03.2026.

Mënyra e vlerësimit të kandidatëve:

Kandidatët do të vlerësohen në lidhje me dokumentacionin e dorëzuar dhe kandidatët që kualifikohen për  fazën e dytë do të publikohen në faqen zyrtare të internetit https://www.shuk.al/lushnje dhe do të njoftohen për fazën e dytë, atë të intervistimit me gojë; 

Kandidatët në intervistën me gojë do të vlerësohen ne lidhje me:

• Njohuritë, aftësitë, kompetencën në lidhje me punën;
• Motivimin, aspiratat dhe pritshmëritë e tyre për karrierën;

Publikimi i rezultateve te konkurimit dhe menyra e komunikimit:

Në perfundim te vleresimit te kandidateve, Drejtoria e Sherbimeve Mbeshtetese ne Shoqerine Rajonale Ujesjelles Kanalizime Lushnje sh.a do të shpallë fituesin në faqen e intemetit të Shoqërisë https://www.shuk.al/lushnje dhe në ambientet e shoqërisë.

Kandidatet jo fitues kane te drejte te ankimohen prane Shoqerise Ujesjelles Kanalizime Lushnje sh.a. Afati i ankimimit eshte 2 dite nga data e shpalljes se rezultateve te testimit.